منتديات ودربيعه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدي اجتماعي ثقافي

  • الرئيسية
  • أحدث الصور
  • التسجيل
  • دخول

نكات رباطاب

2 مشترك

منتديات ودربيعه :: الضحك والفكاهه

اذهب الى الأسفل

نكات رباطاب Empty نكات رباطاب

مُساهمة  randa hassan الخميس ديسمبر 15, 2011 9:48 pm

مع اجمل المواقف والنكات الجميلة

رباطابي عسكري مرور .. بلغوه أنو في باص إنقلب .. مشى مكان الحادث لقى الناس كلها ميتين ماعدا واحد قاعد مبحلِق .. قال ليهو : أها يالصـــــندوق الأســـــود .. الحادث حصل كيف ..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ

رباطابي لابس جزمة قديمة أصابعينو الخمسة مارقات بره. مشى لبتاع ورنيش مد ليهو كراعو.
بتاع الورنيش قال ليهو: أورنش ليك؟ قال ليه : لا لا.. طقطقم لي!!

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ

رباطابي ببيع لبن المهم عندو زبون محامي مرتو غالطت الرباطابي في حق يومين بحجة انو كان في مطرة والرباطابي مصر انو اداهم اللبن في اليوم البعدو جا زوجها المحامي وقال ليهو انحنا ماممكن تغالطنا ابدا الرباطابي قال ليه اغالطك كيف وانت الغلاط فاتح ليه مكتب

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ

الرباطابي عمل ليه محل فول في البلد والشغل مشى معاه كويس قام وسع المحل وعمل قدرة ثانية وزاد عدد الكراسي وبعد فترة جاب ليه ست شاي في المحل،، جاه صاحبه الرباطابي قال ليه يا دكتور عينت ليك (فحيص) معاك ولا شنو!!

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ

رباطابى قاعد ياكل ليه فى سندوتش مرته جنبو دايرة تاكل برضوا قالت ليه ياراجل أمسك لى الولد ده الناكل ، قال ليها وانا قاعد أحلق ...

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ

شايقية ورباطابية راكبات الحافلة ماشات بكا .. الشايقية طقطقت للكمساري ونزلت، الرباطابية نازلة وراها لكن اتأخرت شوية .. الكمساري قال ليها: نازلة يا حاجة؟ قالت ليه : لا.. لا.. بدور اقدمها للباب!!

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ

رباطابى نزل ضيف لناس وكان عندهم تيس فى الزريبة جنب الصالون عنده نزلة الليل كله يعطس...الصباح بدرى سيد البيت جا وسال الرباطابى" ان شاء الله نمت كويس؟؟ الرباطابى قال ليه
أنوم بى وين لى تيسك ده... التقول مكوجى مقابل العيد

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ

رباطابي واقف جنب باب بيتهم جى واحد ماري ساله قال ليه انت من اهل البيت عاين ليه كده وقال: لا من كفار قريش

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ

استاذ دنقلاوي بيدرس في الرباطاب سال واحد ياولد اعرب الجملة دي
جاءت محمد
فرد ليه شافع رباطابي
جاء فعل ماضي ناقص
التاء تاء الدناقلة
محمد فاعل

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ

رباطابي عنده فرن جاهو مسكين قال ليهو ( لي يومين ما ضقت
طعم الرغيف ) الرباطابي قال ليهو : ( ياهو طعمو زاتو ما اتغير )

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ

لكم منى اهلى الرباطاب اجمل تحية
randa hassan
randa hassan
عضو نشيط
عضو نشيط

عدد المساهمات : 36
تاريخ التسجيل : 11/07/2011

الرجوع الى أعلى الصفحة اذهب الى الأسفل

نكات رباطاب Empty رد: نكات رباطاب

مُساهمة  الحلاوى الجمعة ديسمبر 16, 2011 12:03 pm

هههههههههههههههههههههههااااااااااااااااا000
تسلمى والله يا رندا0 وحقيقة الواحد ضحك من داخل اعماقه0
ونحن ما احوج اليه فى هذا الزمن الشين0 مع خالص تحياتى
لكى وتقديرى0 ونسال الله ان يجعل ايامنا كلها بهجة وسعادة0
ودمتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتى00
الحلاوى
الحلاوى
عضو ماسي
عضو ماسي

عدد المساهمات : 156
تاريخ التسجيل : 24/08/2011
العمر : 47
الموقع : السعودية

الرجوع الى أعلى الصفحة اذهب الى الأسفل

الرجوع الى أعلى الصفحة

منتديات ودربيعه :: الضحك والفكاهه

 
صلاحيات هذا المنتدى:
لاتستطيع الرد على المواضيع في هذا المنتدى