رساله للوالده

يلا سافري ياقماري
امشي زوري الطيبة شندي
تلقي فرسان في بلدنا
وكل زول اوصافو عندي
البيحفر فى جداولو
وبالعرق ضرعاتو تندي
المفتش و المهندس
والمزارع و الافندي
قولي ليهم ابقو عشرة
وكل زول في شغلو جندي


يلا سافري يا قماري
خففي الاشواق علي
وطلي فوق نخلات بلدنا
وغردي وادي التحية
وقولي لى ابواتي جمله
رسلو العوات الي
وقولي لى امي الحنينه
نحن حارسين القضية
وكل ما جمرتنا تلهب
فى ماسي العسكريه
نكتم الاهات ونصبر
شان غرام فى البندقية


يلا سافرى يا قماري
علي لقومي اسع
خلي لي يا قماري
نغمة ومن حديث ابواتى مقطع
وقولي لي امي الحنينه
كان مناك يايمه ارجع
كل ام في الدنيا زيك
دايره لي جنياتا تجمع
والا كان ماكان بنصبر
ومن لحمنا الغالي نقطع
كان عروض العازه هتكت
وكان كمان العازه تركع
وشان كرامة العازه نصبر
وبالقليل والله نقنع

:
وان كمان قلتي لي ارجع
للشمال القلتى رايع
الجنوب ظنيتو اروع
كلو مخضر زي جروفك
وكل فقير في بيتو بزرع
وكان ازاعة الكفرة زاعت
النيران ....... .. بتشلع
والله كضابين.. . وحاتك
ماخلينا ...... .. . مدفع
وبرضو مالاقانا. . خارج
الا كان للسكه .. . وسع
وان ثبت داير... . يكاتل
داك يوم الطير .. بيشبع


يالقماري الطايرة.. اقيفي
شان اقول لامي .. كلمة
يمة حال الكاكي.. يعجب
وما وقع والله .... ضمة
وما قعدنا شان.. بهارجو
شان ترسلي لينا ... يمة
الا قاعدين شان ... بلدنا
شان نزف للدنيا ... امة


والعساكر الدافرة .....يمة
فيها الاف زي .....وليدك
فيها الاف كاتمه .....اهة
وبرضو اماتن .....ترسل
ويوم لقاهن كل .....مناها
وفيها الاف خاطبه ...يمه
ودايره بكره اتم ....مناها
وفيها دشليون ....مضحي
طلق الجامعه .....القراها
وكل زول يا امي.. صاب
رشان اجيب للناس..مناها
انتي برضو كمان اصبري
كان اجيب للناس ...مناها



مع خالص تحياتي (قصى محمد)